પેલું જૂનું ઘર...!!

પૂછે છે બાળક પિતાને વહાલથી;

શું ફરક હતો કુટુંબમાં તમારા મારા સમય થી?

ખેંચી ગયો સવાલ પિતાને ભૂતકાળના દરિયા માં;

લાઇ આવ્યા એ સંયુક્ત પરિવારના પળ ભીનાશ નયનમાં.

હતા દાદા-દાદી, માતા-પિતા, ભાઈ-બહેનો જેમાં;

હસી-ખુશી, આંસુ-માફી ચાલતા રહેતા તેમાં.

લાગણી સૌ પ્રતિ ઘણી હતી;

સંસ્કારની જ ફક્ત સંપત્તિ હતી.

દુઃખ અને કર્યો, વહેંચે ઓછા થતાં;

સુખ અને સંતોષ, વહેંચે વધી જતાં.

આજે પર પ્રાંતમાં રહીને યાદ આવે બાળપણની સ્મૃતિઓ;

આજના તેજ જીવનમાં ખોવાઈ ગયો છે વડીલોનો છાંયડો.