પાણીમાં ડૂબતી વ્યવસ્થા

 પુલ નહીં, આ તો ભરોસો તૂટ્યો.
અને નીચે...
ધસમસતા પ્રવાહમાં ગળી ગયા અઢાર શ્વાસ.
સહેજ બેદરકારી ? ના... આ તો ઘોર નિદ્રાનું ફળ.
ફૂલ નહીં, હવે આંસુઓની માળા ચડાવો. શબઘરમાં ઊઘડે આંખો, ટી.વી.ના પડદે ધડાકો થાય.
સરકાર જાગે... તપાસના આદેશ !
એટલે જૂની ફાઈલોમાંથી ધૂળ ખંખેરવાનો પ્રસંગ. અને પછી ? ફક્ત જાહેરાતોનો ધોધ લાખોની સહાય...
પણ, પાછા નહીં આવે કોઈના વ્હાલસોયા, કોઈના આધાર.
આ પહેલી ઘટના નથી, આ તો થઈ ઘટમાળ. દર વખતે તૂટે એક પુલ, અને નીચે, વ્યવસ્થા પોતે પાણીમાં ડૂબે. ને જનતા...
મૂક પ્રેક્ષક બની,
નવા ભ્રષ્ટાચારના પાયા મજબૂત થતા જુએ.

-દિનેશ નાયક 'અક્ષર' 

વડોદરા પુલ દુર્ઘટના...