પાનખર
પાનખર
1 min
497
ખરે છે પાનખરમાં પાન, તો ડાળી શું કરશે !
અને કરમાય તાજા ફૂલ, તો માળી શું કરશે !
છે પાણી શાંત તો, સચવાય સીમાડા મહીં પણ,
વહે પાણી ને તોડે પાળ, તો પાળી શું કરશે !
ને હું બચતો રહ્યો, જાળા ખસેડી રાહમાંથી,
વગર ગૂંથણ રચાઈ જાળ, તો જાળી શું કરશે !
ને મનને ટેવ કે, એ ભૂલવા મથતા તમોને,
ફરી ચ્હેરો એ આવે યાદ, તો ટાળી શું કરશે !
એ બદલે વાત ભદ્રા, તોય જો ખુલ્લા પડ્યા છે,
નથી વળતી હૃદયની વાત, તો વાળી શું કરશે !