પાંચમની છઠ્ઠ થઈ ગઈ

ઝૂલે ઝૂલ્યા ઘડીક ને જુઓ પાંચમની છઠ્ઠ થઈ ગઈ,

પલક મારતા મૈયા મચ્છુ સૌને પોતાની ગોદમાં લઈ ગઈ,

ચૂલે મેલ્યા લાપસી ના આંધણ નાની નાતીની રાહ જોતી રહી ગઈ,

‘પપ્પા મમ્મી મળતા નથી ‘વાત સાંભળી શીશુની, સૌની આંખો ભીની થઈ ગઈ,

યમરાજે કર્યા મુહૂર્તના સોદા, કૈલાસે પણ ભારે મેદની થઈ ગઈ,

મચ્છુ નહીં પણ આજે તો માનવતા જ ગોઝારી થઈ ગઈ,

મોતનો પાડો દોડી ગ્યો ને સલામતીની ભૂંગળ વાગતી થઈ ગઈ,

પૂછો એ સ્વજનોને જેની જિંદગી પળમાં નરક થઈ ગઈ.