પામો નવલ ઉત્થાન

શુભેચ્છા લાખેણી આપીએ, આપીએ ઘણાં માન,

જિંદગી બને જાજરમાન ને પામો નવલ ઉત્થાન.

માન મર્યાદા કેમ સાચવવી? શીખ્યા છીએ આપથી,

નૈતિકતાને માન્યું ઘરેણું, એથી જ મળ્યું છે સન્માન.

નિવૃત્તિમાં પ્રવૃત્ત રહેવાથી, પામશો નિરોગી કાયા,

છલકાવો મંજુષા સત્કર્મથી, સેવું એવા અરમાન.

વય છો ને વધી શરીરની, મનથી રહેવું સદા યુવાન,

પુલકિત રહેજો સદૈવ, એ જ ખરી પૂજા ને ધ્યાન.

યશ કીર્તિ વધે, એવાં જ કર્મોની કરજો તમે ખેતી,

'શ્રી' કહે સાચા હ્રદયથી, એ જ ઈશ્વરનું ફરમાન.