ઓનલાઇન સહવાસ
ઓનલાઇન સહવાસ
હવે ક્યાં થાય છે બહુ માણસને પ્રત્યક્ષ રૂપે માણસનો સહવાસ,
હવે તો થાય છે મોબાઈલથી જ સંબંધો સાચવવાનો પ્રયાસ.
તો વળી પ્રકૃતિનો પણ ક્યાં કરે છે હવે માણસ સહવાસ,
ઈન્ટરનેટની દુનિયામાં જ હવે તો એનો છે કાયમી વાસ.
સમય ક્યાં છે રોજ મંદિરમાં જઈને માણવા પ્રભુનો સહવાસ,
થોકબંધ ભક્તિ સાહિત્ય ઠલવાય છે, મોબાઈલમાં એમાં જ એને વિશ્વાસ.
ઘણાને તો હવે ગમે છે માત્ર ઓનલાઇન મિત્રોનો જ સહવાસ,
કુટુંબ ભલેને કિલ્લોલની રાહમાં બેઠું હોય આસપાસ.
શું આવશે ક્યારેય એવી ક્ષણ જ્યારે કરીશું આપણે આપણો જ સહવાસ,
ને જોડાઈ શકીશું ફરી પ્રકૃતિ સાથે ને કરીશું એમાં જ હર્ષોલ્લાસ?