ઓઢે ઉદાસી આંગણું

કન્યા વિવાહે કાંપતા ભીનાં નયનમાં માબાપનાં,

રડતું હૃદય ને ધ્રૂજતાં, ભીનાં નયન માબાપનાં,

શૈશવ ખરી, યૌવન ધરી, થાશે હવે એ પારકી ?

બેબાકળા થઈ પૂછતાં ભીનાં નયન માબાપનાં,

છે રીત આ કેવી જગતની ? પારકી કરવી પડે,

કટકો હૃદયનો સોંપતા ભીનાં નયન માબાપનાં,

માહોલ તો ગમગીન થશે, ઓઢે ઉદાસે આંગણું,

સ્મરણો સકલ વાગોળતાં ભીનાં નયન માબાપનાં,

ગંભીર થઈ ને માંડવે બેઠી, ગમે ના એ જરા,

ટહુકા કરો 'શ્રી' બોલતાં ભીનાં નયન માબાપનાં.