ઓ કા'ના મનમોહક

નિહાળું અવિરત રૂપ તારું ઓ કા'ના મનમોહક

સૂધબૂધ ભૂલી ખોવાવું તારામાં ઓ કા'ના મનમોહક,

ચોરી જા ગોરી ગાવડીનાં મહિનું મે બાંધ્યું મટકું,

ચિતડાનાં ચોર કહી બોલવું નહીં ઓ કા'ના મનમોહક,

વગાડ તારી વાંસળીનાં સૂર ને રેલાવ અઢળક પુર,

ભાન ભૂલી ને આજ તારી થાવું ઓ કા'ના મનમોહક,

પ્રેમ મદન કુંજની ડાળીઓએ તારી સાથે મલકાવું,

ભૂલી જાતને સદીઓનું સુખ પામું ઓ કા'ના મનમોહક,

સંગાથ આ તારો જાણે ધરા પર ઝળહળે સાચું સોનું,

એને તારી આંગળીના વેઢે મઢાવું ઓ કા'ના મનમોહક.