નથી છુપાવી શકતો

કાગળમાં નજર નાખું તો તારો ચહેરો દેખાય છે,

કલમથી કાગળમાં લખુ તો તારૂં નામ લખાય છે.

હવે હું નથી છુપાવી શકતો આ વાતને ઓ સનમ,

તારૂં નામ લખતા મારા હ્રદયમાં પ્રેમ ઉભરાય છે.

કંઈક વિચાર કરૂં તો મને તારા વિચારો આવે છે,

તારા મિલન માટે મનમાં અધિરાઈ વઘી જાય છે.

હવે હું નથી છુપાવી શકતો આ વાતને ઓ સનમ, 

તારા વિચારોમાં જ આખી રાત વીતી જાય છે.

આયનામાં નજર નાખું તો નયનોમાં તું દેખાય છે,

હ્રદય પર હાથ રાખું તો ધડકન તારી સંભળાય છે.

હવે હું નથી છુપાવી શકતો આ વાતને ઓ સનમ,

"મુરલી" માં પણ તારી જ પ્રેમ ધુન છેડાઈ જાય છે.

રચના:-ધનજીભાઈ ગઢીયા "મુરલી" (જુનાગઢ)