નિહાળતી રહું છું !

એ દિવસે

મેં પ્રેમથી રોપેલો 

છોડ.. કૂંપળ બની

ઊગી નીકળ્યો અચાનક

ક્યારીએ મઘમઘતો ! 

ને હવે તો

ફૂલો પણ રંગીન આવે

એટલે ચોતરફ 

સુગંધનો દરિયો

ઘૂઘવે છે ! 

ઉછરી રહેલા 

છોડના ખીલતા એ 

ફૂલોને રોજ સવારે હું

ચૂંટીને સજાવવા 

ખોબે ભરીને

નિરખતી રહું છું ! 

ને આમ જ 

આંખોમાં વાવેલા સપનાં

ઊગીને સવારે ખીલતા

સાંજ પડે વિખરાતા 

ફરી રાતે આંખના

આકાશમાં ખીલવા આવે છે ! 

હા, સપના ફૂલ જેમ 

ખીલે છે ને મને ગમે છે,

સપના ઉછેરવા

એને મઘમઘતા રાખી

ફૂલોની જેમ રોજ 

નિહાળતી રહું છું !