હવા..
હવા..
હવા સાથે લહેરો પર સવાર થવા માંગું છું
દરિયાના મોજાને આજે માપવા માંગું છું,
હવા સાથે ગગનમાં સેર કરવા માંગું છું
પંખીઓની નજરથી જગતને જોવા માંગું છું,
હવા સાથે વાદીઓમાં ટહેલવા માંગું છું
વરસાદ બનીને ધરતીને ભીંજવવા માંગું છું,
હવા સાથે શાંત જળમાં રચના રચવા માંગું છું
બીજા કોઇને નહીં આજે મને જોવા માંગું છું,
હવા સાથે ધૂળની ડમરી બનવા માંગું છું
જગતનો ખૂણેખૂણો આજે જોવા માંગું છું,
હવા સાથે સૂકા પતાની જેમ ઊડવા માંગું છું
હૃદયની લાગણીને આજે શબ્દોમાં ભરવા માંગું છું.