ધબકતો શ્વાસ
ધબકતો શ્વાસ
શબ્દોની બનેલી રચના અવકાશ જેવી હોય છે,
ને કવિતા આમ ધબકતા શ્વાસ જેવી હોય છે,
આ ઝબૂકતી વીજળીનો ઝળહળાટ જુઓ તો,
જળ ભરેલી વાદળી અજવાસ જેવી હોય છે,
શિખરો વિસ્તરતા આભને આંબવા જુઓ તો,
તળેટીની તરસ ઘનઘોર આકાશ જેવી હોય છે,
આ પર્ણોમાં ઝીલાતી બુંદો નિતરતી જુઓ તો,
ડાળી ચમનમાં મ્હેંકતી સુવાસ જેવી હોય છે,
ઝરમર માહોલમાં આ વરસાદી રચના જુઓ તો,
કલ્પનાના કૈં ચમકતા આભાસ જેવી હોય છે.