નારી વંદના

નારી, તું જન્મદાતા છે,

તું જ બીજી વિધાતા છે,

ક્યારેક બહેન, ક્યારેક ફોઈ,

ક્યારેક પત્ની, દાદી કે નાની,

તું દરેક સંબંધની પ્રણેતા છે,

વ્હાલનો કરતી ગુણાકાર તું,

અન્નપૂર્ણા તું જ સાક્ષાત છે,

સમજુ ને સુશીલ છે સન્નારી તું,

ઘરને ઘર બનાવી રહેતી જે સદાય

પુરુષની એવી અર્ધાંગિની છે તું,

જગત જનની ને કલ્યાણકારી છે,

તારાં વગર આ દુનિયા વળી કેવી?

હે નારી! તું જ જન્મદાતા છે,

નારી, તું જ બીજી વિધાતા છે!