ના ડૂબી જાઉં

તારી આંખોનાં ઘૂઘવતાં સાગરમાં, હું પળવારમાં ડૂબી જાઉં,

ના માર જરાક મટકું તું, હું એમ જ ના ડૂબી જાઉં.

નયનોનાં હેત ઘડીકવારમાં પરખાઈ જાય,

તું ચોરાઈશ ના આંખો, હું એમ જ ના ડૂબી જાઉં.

હું બંધ કરું નેત્રોને આવે તારી તસ્વીર,

તારી તસ્વીરના દીદારમાં હું એમ જ ના ડૂબી જાઉં.

વીતેલાં વર્ષોની યાદો છે ઘણી તાજી,

તારી યાદોનાં સમંદરમાં હું એમ જ ના ડૂબી જાઉં.

તારા ઘનઘોર વાદળ સમ, લહેરાતાં કાળાં ઝુલ્ફો,

તારાં ઝુલ્ફોની ગહરાઈઓમાં હું એમ જ ના ડૂબી જાઉં 

ચંદ્રમુખી સમ વદન છે તારું ચમકતું,

તારાં ચમકતાં તેજનાં પ્રવાહમાં 'બાપુરાજ' હું એમ જ નાં ડૂબી જાઉં.