એ પળ ખાસ હોય છે.

માતાપિતાને વિસરાય ના કદી,

એ પળ ખાસ હોય છે,

થમાવીને આંગળી જેણે,

જીવનની રાહ બતાવી એ પળ ખાસ હોય છે.

ઘસાઈને જેણે પોતે,

જીવન ઉજળું કર્યું પોતાનાં બાળકોનું,

ચંદન જેમ સુગંધ ફેલાવી ચારેકોર,

એ પળ ખાસ હોય છે.

વેઠ્યાં સઘળાં દુઃખ,

ના આંચ આવવાં દે પોતાનાં બાળકોને,

ઈચ્છાઓની કરી પૂર્તિ,

લાવે જે ખુશી એ પળ ખાસ હોય છે.

મીણબત્તીની જેમ સળગી,

પ્રકાશ આપે પોતાનાં બાળકોને,

ના કરે પોતાનાં સુખની પરવા માબાપ,

એ પળ ખાસ હોય છે.

લાગણીઓ ને પ્રેમના છાંયડે,

રાખે સદા પોતાનાં બાળકોને,

છલકતું રહે હંમેશા હૂંફને વાત્સલ્ય,

એ પળ ખાસ હોય છે.

અનેક લાડ લડાવે ને,

કાબુમાં પણ રાખે પોતાનાં બાળકોને,

રાખે દરિયા જેવું દિલ 'બાપુરાજ'

એ પળ ખાસ હોય છે.