ન કરવો કોઈનો વિશ્વાસ
ન કરવો કોઈનો વિશ્વાસ
કોનો કરવો દિલથી વિશ્વાસ આ જગમાં ?
શીખ્યો ન કરવો કોઈનો વિશ્વાસ જગમાં !
માનતો જેને પોતાનો ચંદ્ર ને પોતાનું અંબર
એજ ચંદ્ર દે અન્યને શીતળતા ને મૃદુ કર !
કોનો કરવો દિલથી વિશ્વાસ આ જગમાં ?.....
શતરંજના પ્યાદા ગોઠવે ખુદના સ્વાર્થ કાજે,
ખુદ જાત બચાવવા અન્યને બલિ બકરો કરે !
કોનો કરવો દિલથી વિશ્વાસ આ જગમાં ?.......
જ્યાં ખોલ્યું અંતર હૈયું હમ સરીખું હૈયું ગણી
એજ હૈયાએ હૈયાની વાત હૈયે જરાય ન રાખી !
કોનો કરવો દિલથી વિશ્વાસ આ જગમાં ?..........
હે કાન્તાસુત તું ન માન તું વિચારે એ જગ વિચારે,
જગ મહી સૌ સ્વસુખના કરે વિચાર ને કરે પ્રચારે !
કોનો કરવો દિલથી વિશ્વાસ આ જગમાં...........
હે કાન્તાસુત રહીશ જ્યાં સુધી જગે આખાબોલો,
તઈ લગી ખાઈશ બેટા ! રોજરોજ દરદરની ઠોકરો !
કોનો કરવો દિલથી વિશ્વાસ આ જગમાં ?
શીખ્યો ન કરવો કોઈનો વિશ્વાસ જગમાં !