ન કહેશો

જો ચાહત પર ઊઠે આંગળી, મને ન કહેશો,

દિલ કરે અજીબ માંગણી, મને ન કહેશો,

બચાવી લો જાતને તમે જો શક્ય હોય તો,

આંખમાં છલકે લાગણી, મને ન કહેશો,

ખામોશીના આવરણ નીચે સંતાઈ ન રહો,

શ્વાસ આપશે વધામણી, મને ન કહેશો,

ચાહતના દર્દને ગળે તો લગાવી જુઓ,

થોડી થશે સતામણી, મને ન કહેશો,

મોતને ક્યાં લગી મ્હાત આપી શકાશે ?

જિંદગી કરશે છેતરામણી, મને ન કહેશો,

આ અસ્તિત્વમાં તું એક અનન્ય છે, 

લોકો કરશે સરખામણી, મને ન કહેશો.