તારી વગર

વધારે હોય શું ? તારી વગર

એક તું..અને તારી યાદ

મળી જાય તો શબ્દોની કરામત

રક્ત બની દોડે નસ-નસમાં 

લખાય તારું જ કાવ્ય

કહે તારી જ પ્રેમકથા

શ્વાસમાં અત્તર બની બળે 

તારી દેહની મીઠી સુગંધ,

હૃદય ભીતર હજાર વાર ધબકતું

તારું જ એક નામ,

વધારે હોય શું ? તારી વગર

એક તું અને તારી યાદ

મળી જાય તો શબ્દોની કરામત

નહિતર નિરાશ બની આમતેમ

નદીના કિનારે ખળખળ વહે,

પાણીના હળવે હળવે ઝાલરે

લાગણીના પૂરમાં ઉછળે, રોકાય

તારા નામની જ છબી,

વધારે હોય શું ? તારી વગર

એક તું અને તારી યાદ

રોજ લખું અને રોજ મોકલું

બસ તારા નામના સરનામે

મળી જાય તો શબ્દોની કરામત.