મથામણ

અસ્તિત્વ મેળવવાની મથામણથી જે શરુ થાય છે,

તે કસોટી, ધબકારના અંત સુધી જીવાતી જાય છે.

ક્ષણેક્ષણ શ્વાસ લેવામાં અને નિઃશ્વાસ દેવામાં,

અડચણોનું વંટોળ વાયરામાં સમજણથી વાય છે.

સંબંધો અડધા-પડધા ને બંધનો આખેઆખા અહીં,

લાગણીઓનો દાવાનળ ડગલે-પગલે દઝાય છે.

ઈશ્વર પણ ઇરાદાસર દરેક પલકારે પડકાર ફેંકે,

ક્યારેક સમય તો ક્યારેક સંજોગોથી હરખાય છે.

તલવારની ધાર પર ચલાવે, કૂવામાં પણ કૂંદાવે,

ધૈર્ય ધરો તો સ્થિતપ્રજ્ઞતા ભણી પથ રચાય છે.