મોસમ આવી મજાની

પતંગિયાની ટોળી ઊડી આકાશે

ચાંદામામા છૂપાયા ઊંચા દૂર આકાશે,

ઠંડી ઠંડી મોસમ આવી રે મજાની !

કિલ્લોલ કરતાં પક્ષીઓ ગાતાં ગીતડાં

સુંદર તારા આભે વાતો કરતાં મીઠડાં,

ઠંડી ઠંડી મોસમ આવી રે મજાની !

પવનની લહેરમાં ઝૂલતાં મીઠાં ફૂલો

ગુલાબી ઠંડીમાં થરથરી ઊઠતાં ફૂલો,

ઠંડી ઠંડી મોસમ આવી રે મજાની !

કોમળ કોમળ સૂર્યના કિરણો ઝીલવા 

ઝાડ પાન ફળ ઉતાવળા થઈ દોડ્યા 

ઠંડી ઠંડી મોસમ આવી રે મજાની !

ઊંચો ઊંચો પહાડ હિમ બની પથરાયો

ઝાકળના બિંદુ ઝીલવા અવની હરખાયો,

ઠંડી ઠંડી મોસમ આવી રે મજાની !