મનને સમજાય છે કંઈ?
મનને સમજાય છે કંઈ?
ઝાંઝવાના જળની લે દોટ મેં આ મૂકી,
જોઉં તૃપ્ત થાઉં છું કે નહીં,
આ મનને સમજાય છે કંઈ?
રાત અને દિન જે છે એક સ્વપ્ન જોતું,
આ જગની ભવાઈ જોઈ નહીં?
આ મનને સમજાય છે કંઈ?
આ તારું ને મારું એ જગજૂઠા ખેલમાં,
સઘળું નંદવાય છે ભઈ,
આ મનને સમજાય છે કંઈ?
મનના આ મેળામાં અહંકાર મ્હાલે,
ને સંબંધે રીસ ઠાલી રહી,
આ મનને સમજાય છે કંઈ?
રાગ, રસ છોડી તું રોજ 'રંજ' શોધે,
આ પીડા પરાઈ ક્યાં થઈ?
આ મનને સમજાય છે કંઈ?