લાઈબ્રેરી
પ્રોફાઈલ
વતનનો વિરહ
વતનનો વિરહ
1 min
191
સઘળું છોડી પોઢ્યા પછી કાં જગાડો છો મને?
સંબંધ તોડી સળગ્યા પછી કાં સંભારો છો મને?
જીવનમૂડી ખર્ચાઈ ગઈ છે સૌને હસતા રાખવા,
નિઃશબ્દ થઈ પડ્યો છું ત્યારે કાં હસાવો છો મને?
ઝાંઝવાના જળ સમા એ સ્વપ્ન તો શ્વાસો હતાં,
અંતશ્વાસે એ જ સાચાં કાં બતાવો છો મને?
માર્ગ તો કંઈ કેટલા જોયા હતા જીવન તણાં,
તમ માર્ગ પર ચાલ્યા પછીયે કાં વળાવો છો મને?
'રંજ' સૌ છોને જતા રહે આ શરીરની સાથમાં,
આતમા તો એ જ મારો કાં ભગાડો છો મને?
