ગઝલ - આગળ ક્યાં કશું..
ગઝલ - આગળ ક્યાં કશું..
દેહ આ છોલાય છે તેનાથી આગળ ક્યાં કશું ,
આતમ ક્યાં છેદાય છે તેનાથી આગળ ક્યાં કશું.
આંસુઓના તોરણો આ પાંપણે બંધાય છે ,
ધૂંધળું દેખાય છે તેનાથી આગળ ક્યાં કશું .
ઝળહળી ઉઠ્યો દિપક જુઓ ભગાવીને તમસ ,
તેજથી અંજાય છે તેનાથી આગળ ક્યાં કશું .
યોગ છે વિષાદનો રણભૂમિ મધ્યે એટલે ,
જ્ઞાનથી કહેવાય છે તેનાથી આગળ ક્યાં કશું .
શ્વાસની આવક ઘટી ને દોર જીવનની ટૂંકી ,
આંખ આ ઘેરાય છે તેનાથી આગળ કયાં કશું .
ફક્ત લલકારો નહી, આવી જજો આ યુદ્ધમાં ,
મર્દથી ખેલાય છે તેનાથી આગળ ક્યાં કશું .
પ્રેમમાં પાગલ બનીને વસ્ત્ર ફાડીને ફરો ,
પથ્થરો ફેંકાય છે તેનાથી આગળ ક્યાં કશું .