આવનારા વર્ષમાં
આવનારા વર્ષમાં
1 min
373
જીંદગી વીતાવી છે મેં આકરા સંઘર્ષ માં;
પુર્ણ થાશે મારા સપનાં આવનારા વર્ષમાં.
હાંસિયામાં કયાં ધકેલી દો નીતિ નિયમો તમે ?
જીંદગીને ચાલ, જીવી જોઈએ આદર્શમાં.
જીંદગીમાં માત્ર સુખો પૂરતાં હોતા નથી,
યાતના પીડા અને દુઃખ સૌ હશે નિષ્કર્ષમાં.
સ્પર્શ સોના જેવડો પામ્યો; તપીને આગમાં,
ઓગળીને નિખરી છે જાત આ ઉત્કર્ષમાં.
દો ફગાવી કાળું નાણું બનતી આ નિષ્ફળતાને,
ને સફળતા રુપ ક્રેડીટ કાર્ડ રાખો પર્સમાં.