મને નહિ ગમે
મને નહિ ગમે
1 min
603
તું અનરાધાર વરસ,
મને આ ઝરમર ઝરમર નહિ ગમે,
તું ઝાકળનું બુંદ બનીને ભીંજવ,
મને આ મૃગજળથી છેતરાવું નહિ ગમે.
તું ચાંદની બનીને શીતળતા આપ,
આ સૂરજનો આકરો તાપ મને નહિ ગમે,
તું શ્વાસો શ્વાસ બનીને આવ,
મને આ છળ કપટવાળો સંબંધ નહિ ગમે.
હું તો એક માછલી છું જળ બનીને આવ,
આ આકાશ અને ધરતી જેવા અધૂરા સંબંધો મને નહિ ગમે,
આ જીવનમાં પૂરા જીવન માટે આવી જા,
એક બે ક્ષણનું મિલન મને નહિ ગમે.