મને ન સમજાયું

રાહ જોતી હતી તારી, 

થયો પગરવ તારો, 

છતાં તું નહતો, 

એ મને ન સમજાયું. 

મહેફિલ સજાવી હતી, 

સિતારાઓ આવ્યાં હતાં, 

તેમાં તું ન હતો, 

એ મને ન સમજાયું. 

પાગલ હતી તારા પ્રેમમાં, 

જોયાં હતાં સપનાઓ તારા, 

દિવા સ્વપ્નમાં તું નહતો, 

એ મને ન સમજાયું. 

આપ્યું હતું વચન મને, 

સાથ નિભાવીશું જિંદગીભર,

ક્યાંય તું નહતો, 

એ મને ન સમજાયું 

મનની બારી રાખી ઉઘાડી, 

વિચારો સાથે કરી ગોષ્ઠિ, 

સંગાથમાં તું નહતો, 

એ મને ન સમજાયું. 

હતી જબરદસ્તી મારી સાથે, 

બાંધછોડ કરી હતી મેં, 

દિલમાં તું નહતો, 

એ મને ન સમજાયું. 

વેદનાઓનો દરિયો હતો, 

મધદરિયે નાવડી હતી, 

સુકાની તું નહતો, 

"સખી" એ મને ન સમજાયું.