તારા વગર

ન જાણે કેમ આજ સૂરજ ન ઊગ્યો, તારા વગર,

ન જાણે કેમ આજ સવાર ન થઈ, તારા વગર,

અંતરમાં રોજની જેમ ઉત્સાહ ન જાગ્યો, તારા વગર,

રાત- દિનમાં કોઈ ફેર ન લાગ્યો, તારા વગર,

આજ મનને  ચેન ન આવતું, તારા વગર,

આજ આંખોને કોઈ દ્રશ્ય ન ગમતું, તારા વગર,

ન જોઈ તને હાસ્ય ગયું વિલાઈ, તારા વગર,

મારા શબ્દોને શ્વાસ જાણે થીજ્યા, તારા વગર,

ન જાણે કેમ એક ડગલું પણ ન ભરાયું, તારા વગર,

ન જાણે કેમ મનમાં થઈ ધ્રૂજારી, તારા વગર,

જીવનનો રસ જાણે સૂકાયો, તારા વગર,

સૃષ્ટિ મારી બની ગઈ સૂની, તારા વગર,

આજ મારો જ ચહેરો મને લાગ્યો અજાણ્યો, તારા વગર,

આજ મને થયું છે આ શું, તારા વગર.