આ સંબંધ શું કહેવાય છે ?
આ સંબંધ શું કહેવાય છે ?
બંધ આંખોના મીઠા મીઠા શમણાંથી,
રાતભરની ચિંતા ના ઉજાગરા,
મારા તો બસ એક તમેથી,
તમારા બધાં જ મારા સુધી.
આ સંબંધ શું કહેવાય છે ?
મારી હર એક ખુશી તમેથી,
તારા હર એક સંઘર્ષો મારા.
મારા એક એક શબ્દોનો શ્વાસ તુંથી લઈને,
તારી રોજની સલાહોની ભરમાર સુધી.
આ સંબંધ શું કહેવાય છે ?
મારા દિલના આકાશે ઊડવાના ખ્યાલોથી,
તારી નાની નાની જરૂરતો ના ખ્યાલો.
મારો કયો રંગ તને ગમશેથી લઈને,
તારા હર એક રંગો મારા સુધી,
આ સંબંધ શું કહેવાય છે ?
મારી રોજનીશીમાં તારા ઉલ્લેખથી,
તારી દિનચર્યાનો ખ્યાલ સુધી.
હવામાં ઉડતી રેશમી ઝુલ્ફોથી લઈને,
પરિપક્વતાના એ શ્વેત રંગ સુધી,
ને હંમેશ સાથે છીએ હું ને તુંથી લઈને,
જર્જરિત યાદોનાં અવશેષો સુધી,
આ સંબંધ શું કહેવાય છે ?