ઓ મોરી રાધા ગોરી

ઓ મોરી રાધા ગોરી,

તું ચંચળ, ચિતહારી !

ઓ મોરી રાધા ગોરી..

હું નિર્મોહી તુંં મોહિની,

હૂં શ્યામ ! તું સ્વેતાગીની !

ઓ મોરી રાધા ગોરી....

હું સર્વહૃદયવાસી ને 

તું મુજ હૃદયવાસી !

ઓ મોરી રાધા ગોરી....

હું ધરું અધરે વાંસલડી,

ને તું ધરે અધરે મધુરાધિપતિ !

ઓ મોરી રાધા ગોરી..........

જગ ગાયે મુજ ગીત મધુરા,

ને હું ગાઉં ગીત મધુ તોહરા !

ઓ મોરી રાધા ગોરી..........

હું ગોરી જગત માલિક ને,

તું મુજ હૃદય મલ્લિકા !

ઓ મોરી રાધા ગોરી..........

પળ પળ મુજ ઝંખે દુનિયા સારી,

કાન્તાસુત કિશન ગોરી તુને ધારી ધારી !

ઓ મોરી રાધા ગોરી,

તું ચંચળ ચિત્તહારી !