ગઝલની કોશિશ

 ગાલગાગા, ગાલગાગા, ગાલગાગા, જાણું છું

ગુરુ લઘુ, ગુરુ લઘુ, ગુરુ લઘુ બધું જાણું છું,

તારી આંખમાં આંજેલ મેશને કાજળ કહું,

સારું ન જ લાગે ગઝલમાં એ પણ જાણું છું,

કાળા ભમ્મર લાંબા વાળને કેશ તરીકે જાણું છું

તારા ગુલાબી હોઠને ગુલાબ કહેવું પડે જાણું છું,

લટકંતી ચાલને મોરનીની ચાલ તરીકે જાણું છું

આંખોના ઉલાળાને 'રોશની'ના ચમકારા જાણું છું,

બંધારણ જળવાઈ રહેવું જોઈએ ગઝલમાં જાણું છું

પણ તું સામે આવે તો એમાં હૃદયના ભાવ જાણું છું.