મને આકાશે

મને આકાશે રમતો ચાંદ ગમે

એ તો શીતળતા ને ચાંદની સંગ ભમે

મને આકાશે...

પૂર્ણ કળાએ એ જ્યારે ખીલે

આખા નભને હસતું રમતું મેલે

 મને આકાશે...

તારા સંગાથે એ ઝબૂકે ઝબૂકે

અંધારું દૂર કરી એ રોશની ફેંકે

મને આકાશે...

ચાંદાની ચાંદની આકાશે મહેંકે

ધરતીને એ ઝળહળતી કરે

મને આકાશે...

તારા સંગાથે મીઠી વાતું કરે

સૂરજદાદાને જોઈ એ ડરતો ફરે

મને આકાશે...

મારા આંગણે એ રોજ ઊગે

મીઠી મધુરી નીંદર એ આપે

મને આકાશે...