મમતા

મમતા ની કિંમત છે મોટી, જીવન આખું અર્પણ

ધન્ય છે મમતા; ધન્ય છે માતા, મોટું છે આ તર્પણ.

માં-બાળક ની જીવનદોરી, પ્રેમ ભરેલો પ્યાલો,

માતાની વાણીમાં મળશે હુંફનો એક સથવારો.

જીવન આપ્યુ ખુદ જીવનને, પોતાની હોડમાં મુકી,

સાર્થક છે માતાનું જીવતર, પ્રણામ કોટી-કોટી.

પ્રભુ ને કહું છું, 'માફ કરી દે', માતા મારી ન્યારી,

તુજથી પણ વ્હાલી લાગે છે, સુરત તેની પ્યારી.

માતાના આશીર્વાદે આખું જગત કરે કિલ્લોલ,

'જનની ની જોડ સખી નહિ જડે રે લોલ’!