મખમલી રાત આવી..

શમણાઓનો શૃંગાર કરીને આ મખમલી રાત આવી,

તારી મીઠડી યાદોની નવી નવી રેશમી વાત લાવી,

તું ને હું ભલેને રહીએ ગમે એટલા એકબીજાથી દૂર,

અંતરના અહેસાસોની એક મહેકતી મુલાકાત લાવી,

સિતારાઓની આ પાલખીમાં ખ્વાબોને સજાવીને એ,

મારા સાજનની અધૂરી આરઝુઓની બારાત લાવી,

સંદેશાઓને એ શીતલ સમીરપંખ પર સવાર કરીને,

તારી યાદોથી ભરપૂર તાજગીનો વાયુપ્રપાત લાવી,

મહોબ્બતની મૌસમ જુદાઈમાં પણ હોય છે પુરબહાર,

વિરહની આ પાનખર મિલનની વસંતની વાત લાવી,

પરાકાષ્ઠા "પરમ" સંભારણાઓની આ છલકી ગઈ તો,

"પાગલ" ભાવ થકી ભીના ભવ્ય મોતીની ભાત લાવી!