મજબૂર ન કરો

મને વાયદો કરી તમે વાટ જોવડાવ્યા ન કરો,

હું થાકીને ચાલ્યો જાઉં એટલો મજબૂર ન કરો.

મારા હ્રદયને આઘાત તમે પહોંચાડ્યા ન કરો,

તમારી તસ્વીર દૂર કરૂં એટલો મજબૂર ન કરો.

મને જોઈને સંતાવાની કોશિશ તમે કર્યા ન કરો,

હું હમેશા સંતાઈ જાઉં એટલો મજબૂર ન કરો.

મારા પ્રેમને રમકડું તમે કદીયે સમજ્યા ન કરો,

હું હમેશા ભૂલી જાઉં એટલો મજબૂર ન કરો.

તમારી પ્રેમભરી નજર મારા ઉપરથી દૂર ન કરો,

હું કાયમ બદલાઈ જાઉં એટલો મજબૂર ન કરો.

"મુરલી"ના પ્રેમની અગ્નિ પરિક્ષા તમે કર્યા ન કરો,

હું તમને નફરત કરતો રહું એટલો મજબૂર ન કરો.

રચના:-ધનજીભાઈ ગઢીયા "મુરલી" (જુનાગઢ)