ગઝલનો વૈભવ

જ્યાં ધર્મનો પ્રભાવ લગાતાર હોય છે,

ક્યારેય ત્યાં ન કોઈ અનાચાર હોય છે,

જ્યાં જિંદગીમાં કોઈ ચમત્કાર હોય છે, 

ત્યાં ફક્ત આપમેળે નમસ્કાર હોય છે,

મહેફિલમાં પ્રેમની જે કરે વાત જોરથી,

ભીતરમાં પ્રેમનો જ બહિષ્કાર હોય છે,

જે નામે રોજ થાય છે દંગા સદા અહીં,

એ ખુદ ખુદા ય સાવ નિરાકાર હોય છે,

વિશ્વાસ પ્રેમના જો ન પાયામાં હોય તો,

ના લાગણી જરા ય વફાદાર હોય છે,

છે રંગમંચ કેવો અનોખો જગતનો આ,

સઘળાં અહીં ગજબના કલાકાર હોય છે,

શણગાર જો ગઝલમાં હશે પ્રેમનો કદી,

વૈભવ એ જ ગઝલનો છટાદાર હોય છે.