મજા તો ત્યારે છે

એ નજર પણ નથી કંઈ કામની,

જેમાંથી જામ કદી છલકતી ન હોય,

મજા તો ત્યારે છે એ જામની,

જે પીવાથી રોમ રોમ લહેરાઈ ગયુ હોય.

એ મહેફિલ પણ નથી કંઈ કામની,

જેમાં પ્રેમ માટે દિલ તડપતુ ન હોય,

મજા તો ત્યારે છે એ પ્રેમની,

જેમાં દિલ બળીને રાખ બની ગયુ હોય.

એ સુંદરતા પણ નથી કંઈ કામની,

જેના માટે કોઈ તરસ્યું બન્યુ ન હોય,

મજા તો ત્યારે છે એ સુંદરતાની,

જે જોઈને કોઈ મદહોંશ બની ગયુ હોય.

એ મુલાકાત પણ નથી કંઈ કામની,

જેમાં પ્રેમની કદી અભિવ્યક્તિ ન હોય,

મજા તો ત્યારે છે પ્રેમની "મુરલી", 

જેમાં દિલથી પ્રેમનો સ્વીકાર થયો હોય.

 રચના:-ધનજીભાઈ ગઢીયા "મુરલી" (જુનાગઢ)