મહેંકી જાવું

મારી પાંપણમાં રોજ તારે ફરકી જાવું,

કાં હળવેથી આંખોમાં સરકી જાવું,

ધીરેથી આવીને મારાં કોમળ ગાલમાં,

એકલ હોઠોનાં આ ઝીણા શા ગાનમાં,

વનવાસી મારે ગીત થઈ ગવાઈ જાવું,

સુંદર નિશાની શર્મિલી આશમાં,

તાજી ફૂટેલ પેલી કુંપળનાં પાનમાં,

કોઈ દિ ઝાકળ બુંદ થઈ સમાઈ જાવું,

ધરતીની ભીની-ભીની લહેરાતી રાતમાં,

છોડવાની કૂણી લીલીછંમ વાતમાં.

ફૂલની ફોરમ બની તારે મહેંકી જાવું,

મારી પાંપણમાં તારે ફરકી જાવું.