મહેંદીનો રંગ ખીલી જાય

આગમન થાય બાગે તારું અને આ ફૂલો હરખાય,

આ સુંગંધ એની ચારે કોર પ્રસરાય.

આ તને જોઈ હવા પણ મહેકી જાય,

આ ભમરા જોને ફૂલની પ્રીતમાં પાગલ થાય.

આ તારા સ્પર્શે ફૂલોનું મો મલકી જાય,

આ ભ્રમર તો ઈર્ષ્યાથી બળી જાય.

આ પાગલ હવા છેડે તારા પાલવ ને,

આ હવાના સ્પર્શે તારો આ પાલવ લહેરાય.

તું હસે ત્યારે આ કળીઓ ખીલી જાય,

તારા આગમને આ બાગ વૈભવશાળી થાય.

હૈયું મારું ધડકે તારા આગમને,

આ હાથની મહેંદીનો રંગ પણ ખીલી જાય.