Participate in the 3rd Season of STORYMIRROR SCHOOLS WRITING COMPETITION - the BIGGEST Writing Competition in India for School Students & Teachers and win a 2N/3D holiday trip from Club Mahindra
Participate in the 3rd Season of STORYMIRROR SCHOOLS WRITING COMPETITION - the BIGGEST Writing Competition in India for School Students & Teachers and win a 2N/3D holiday trip from Club Mahindra

Ramesh Patel (Aakashdeep)

Inspirational Others


3.5  

Ramesh Patel (Aakashdeep)

Inspirational Others


મહામારી કોરોના વિપદા– ખંડ કાવ્ય

મહામારી કોરોના વિપદા– ખંડ કાવ્ય

2 mins 105 2 mins 105

 પ્રદૂષણથી ત્રસ્ત વિશ્વ, અવનિની રચના, કુદરતી વૈભવ સાથે પ્રગતિના નામે છેડછાડ ને કોરોનાની ઘાતક અસરની, તથ્ય આધારિત, આજની વિષમ પ્રાસંગિક પરિસ્થિતિની છંદોબધ્ધ(ખંડકાવ્ય)ની આ કૃતિ છે. 

નોંધ- કવિશ્રી કાન્તનું ખંડકાવ્ય- અતિજ્ઞાન - રચનાનું પથદર્શક, જે ઐતિહાસિક સંદર્ભે હતું, અમે આજની આ વૈશ્વિક મહામારીની ઘટનાને, ગુજરાતી ભાષામાં ખંડકાવ્ય તરીકે સજાવી છે.

મહામારી કોરોના –  ખંડ કાવ્ય


 છંદ- વસંતતિલકા

કષ્ટી વહે  વલવલીસરિતા  મલિની

દૂષિત પાવન સુધાનિજ માનવોથી

નિસ્તેજ છે રવિ નભેનિત ધૂમ્ર ગોટે

કંગાલતા નિરખ ઓવદતી વસુધા

 

નિરભ્ર  વ્યોમ રજની   ,અલોપ તારા

ને વ્યોમ ઝાંખપ હણેનભ નૃત્ય લીલા

   શુક્ર  તેજ  ડરતું,  વલખી  ઝબૂકે

ને  વાયુ  દૂષિત વહી , અભડે જ  અંગે

 

દીધું હતું અવરથીરૂપ શ્રેષ્ઠ ભાગ્ય

ને અમૃતા જલભરીસરિતા જ મૈયા

ઐશ્વર્ય  ઝૂમતું  વનેહરિતા રસીલું

ઊડી  ભમે કલરવે,  રૂપલા વિહંગો

 છંદ-અનુષ્ટુપ

વિનવે   વસુધા  વંદી,  વેદનાથી  વિલાપતાં

ઐશ્વર્ય   જાતું   લૂંટાતું,  રે  પ્રદૂષણ  ઘાતથી

ઉધ્ધત જંતું યુધ્ધે ખિન્નઆત્મઘાતી કુઠાર ઘા

છે  એક  આશરો  તારોદંગલ  છે વિનાશનું

દુઃખ  અરજ  સુણીનેથયો અંતર મુખી એ

નિરખે  એકમાંથી રે સંવરતી અનેકતા


છંદ- શાર્દૂલવિક્રીડિત

ગાજ્યા અંબર વાયુ મંડલ ધસેભંડાર  અનલના

પૃથ્વી આ જલસાગરે રવ મહાને ઈંદુ શિત ધરે

ને તારા ગ્રહ તેજ સૌ ઝબકતામંદાકિની પટલે

પ્રકૃતિ પ્રસવી જ વ્યક્ત થઈ આચૈતન્ય સગુણ રે


 છંદ- વિશ્વદેવી

ઘૂમે   બ્રહ્માંડેચક્ર આ  કાળનું  ને

સંયોજે    તત્વોપંચ   રૂપાંતરેથી

ઐશ્વર્યા  દીસેઝુંડમાં  સૃષ્ટિ દૈવી

ભૂપેશી વ્હાલેભેટ દીધી જ બુધ્ધિ

છંદ- અનુષ્ટુપ

ચક્ર ઋતુ રમે ભોમેનિર્વિકારી  જ સંયમી

પૂરક વાહ કેવા રેપ્રકૃત્તિ ને મનુજ  

 છંદ- સ્ત્રગ્ધરા

ખૂશ્બુ  ભર્યા  કટોરા,  કુદરત  મધુરી,  વ્હાલ  ઝૂલે  ઝુલાવું

ઝૂમે  વૃક્ષો  લળીને,   ઋતુ -ફળ  ધરવાસ્નેહથી ભીંજવે રે

ને  વાસંતી  જ હૈયાં,  કલરવ  લહરેવાત  માંડે   ઉમંગે

ભાખે શ્રેષ્ઠા નિયંતાઅવનિ  રૂપલ આઝીલતાં દિવ્યભાવો

 છંદ- મંજુભાષિણી

અનુશાસને  જ સુખી  સૌ પરસ્પરે

કરુણા  હિણી ભરખશે   શત્રુતા

બહુ ક્ષુબ્ધ આજ નિરખી જ વિકૃતિ

કહું  ધીક! ખૂટલ  વિનાશ  પાત્રતા


 છંદ-રોળા

કાર્બન વા વિષ વમનહિમાળા ગળતા જ ધસી

શ્રાપી  કતલ  ઉદ્યોગહણે   પ્રાણી નૃશંસે

દીઠા   ખેચર  દીનવિષમતા ઋતુઓ ભાળે

પૂરક  રક્ષક    ભક્ષકમલિનતા  ખંજર  પાળે


 છંદ- અનુષ્ટુપ

લૂંટી પ્રકૃતિ સંપત્તિમદમાં ઘૂમતો ફરે

પાખંડે ધૃષ્ટતા પોષીકુંડાળા ઝેરના ધરે

 

છંદ- કલહંસ-

યુગ દર્દ રોષવિપદા પડઘી  ને

તકલીફ આ  પરખતો જ નિયંતા

ધમરોળવા જગધસે છળ રોષે

યમદૂત મલ્લસમ સૂક્ષ્મ વિષાણું

 

 છંદ- રોળા

'વુહાને'થી  વ્યાપબહું  સંક્રમણે  વાધે

છું રે  દંડી કાળ,  ધસી દોડે  કોરોના

દીઠું વામણું  જ્ઞાન,  ધ્રુજાવે  મૃત્યુ- લીલા

બંધક વિશ્વ જ ખંડવિખૂટું જ ઉલટા ચક્રે

 

છંદ- વિશ્વદેવી

ના ધૂમ્રી શેરોના જ ઘોંઘાટ સૂણો

ઝૂમે   પ્રકૃતિવ્યોમ વિહંગ  ગાણું

સૂના આ મેળાને  સ્થળો  મોહકંદી

શાળાએ છૂટ્ટીવિશ્વ શીખે નમસ્તે


નિયંતા  પૂરે,   ખોટ  સંતાન   કાજે

છૂપા આશિષે , ગંગ શુધ્ધિ જ પામે

 

 છંદ- વસંતતિલકા

છે  જંગ દુષ્કર સજે,  જગ  સાવધાની

દૃશ્યો  જ માસ્ક બુરખારત નિષ્ઠ યોધ્ધા

વિશ્વાસ જાય અવધેતું વિપત્તિ ભારી

તૂટે કડીયુંસમયે  સહયોગ સેવા


છંદ- મંદાક્રાંતા


રે ભારે આ વિકટપળ નેડૂબતાં અર્થતંત્રો

પ્રત્યાઘાતી  કુદરત  ભલીશોધતી  નિજ  રૂપો

વિષાણુંની દમન જ  કડીતૂટશે  અસ્પર્શેથી

જાગો જાણો નિયમન મહાલાભવંતું વિવેકે


પ્રાથે પૃથ્વી સકળ શુભ હોઆત્મ વિશ્વાસ જીતે

શ્રેષ્ઠા શોભેમઘમઘ  પુનઃ,  વિશ્વ આખું નવોઢા

 

 છંદ- વસંતતિલકા

તોલે  બધું   વિધિબરોબર  ત્રાજવેતો

આરોગ્ય સાચવવુંએ જ ઉપાય સાચો

ઉત્સાહથી  પરહિતે,   સજ જાત  રાજા

છે સત્ય બે  ગજ , જમીન જ અંતવેળા.

રમેશ પટેલ(આકાશદીપ)

……………

Note…

વુહાન- ચીન દેશનું શહેર જ્યાંથી કોરોનાની શરુઆત થઈ 

મંદાકિની- આકાશગંગા જેમાં આપણા સૌર મંડળનું અસ્તિત્ત્વ રચાયું ને આપણી પૃથ્વી આ પટલે ઘૂમે છે.

 ખંડકાવ્યમાં ,વસુધા ,વિધાતાયુગ ચિત્કાર ને સાંપ્રત પરિસ્થિતિ અવલોકન કવિ માનસથી શબ્દ ચિત્ર દ્વારા પ્રગટ  કરતાં પાત્રો છે.. 


Rate this content
Log in

More gujarati poem from Ramesh Patel (Aakashdeep)

Similar gujarati poem from Inspirational