મધુશાલા
મધુશાલા
જીવનરસનો જામ છલકાવતી માયા નામ સુરાઈ
એમાંથી અનરગળ સૌંદર્ય સુરા બુંદ બની છંટકાઈ !
ઘટમાળ પ્રતિદિન ચાલી એવી સર્વ સૃષ્ટિ મદમાઈ
મલપતી માયાસુંદરીની ચાલમાં શું અજબ બેફિકરાઈ !
અત્ર-તત્ર ધબકે જીવનસૌંદર્ય ઉર મધુશાલા પાઈ
સચરાચર મોહ્યું મધુરસ આસ્વાદે આનંદ હેલી છવાઈ !
મોહિનીનાં ખનકતાં હાસ્યે ઘટમાં લાલિમા પથરાઈ
ચાલતી ઘટમાળમાં જ છુપ્યા શાશ્વતરૂપ રઘુરાઈ !
દીપાવલી પી લેજે ખોબો ધરી, અમૃત કૂંપી રેડાઈ
માયા સંગ પરમ માયાવી કરે મહાપ્રસાદ સુખ બટાઈ !