મચ્છુ દુર્ઘટના

મચ્છુ તારી આજ ભોમકા જો ને છે લજાણી,

૨૧ના ગાળે ફરી મોરબીમાં કારો કેર છે સર્જાણો,

મચ્છુ ફરી આજ તારો એક ઇતિહાસ છે રચાયો,

પણ કેટલાય પરિવારનું તે નામોનિશાન મિટાવ્યું,

તૂટ્યો ઝૂલતો પુલ દુઃખ એનું પણ નથી અમને,

પણ કોઈના આભના તારલાં તૂટી ગયા એનું શું ?

 

કેટલાય ભૂલકાઓ ડૂબી મર્યાને કેટલાય તરી વળ્યાં,

ગંદી છે રાજનીતિની રમતમાં સૌ કોઈ રમતાં રહ્યાં,

હરખનો માહોલ આમ માતમમાં ફેરવાય જોયું ને ?

મચ્છુના પાણીનો શ્રાપ જીવલેણ છે આ સાચું ને ?

કોઈના કરેલા કોઈ ભોગવે છે એમ જીવ ખોવે છે,

મચ્છુ તારું પાણી દરવખતે મનુષ્યને કેમ ઝંખે છે ?