રમત મારે રમવી નથી

પ્રાર્થના, જાપ-તપ કર્યા, મંજિલને પામવા,

આ સમય, સંજોગોથી હવે મારે લડવું નથી.

હવે આ રમત મારે રમવી નથી.

લાગણીઓને ઠેસ વાગેને, ઘા થાય હદયમાં,

તૂટ્યા પછી કાચના એ દિલને મારે સમેટવું નથી.

હવે આ રમત મારે રમવી નથી.

પોટલો છે જવાબદારીઓનો માથે જીંદગીમાં,

તોય સાંભળી મ્હેણાં લોકોના,મારે જીવવું નથી.

હવે આ રમત મારે રમવી નથી.

ખેલ ખેલ્યો કેવો કુદરતે, આપી મનુષ્યને વાચા,

તોય આ અબોલ જીવનો પ્રેમ મારે છોડવો નથી.

હવે આ રમત મારે રમવી નથી.

હારવું જીતવું છે બાજી, તીક્ષ્ણ નજર છે જેની,

અડગ છું હું માનવી,હવે નાસિપાસ મારે થવું નથી. 

હવે આ રમત મારે રમવી નથી.

વેર, ઝેર ને દ્વેષ રાખી, કોણ ભલું ઊંચું આવ્યું છે.

ખાનદાની ભાઈચારાની "પ્રવાહ" મારે મૂકવી નથી.

હવે આ રમત મારે રમવી નથી.