માવતર

ઠરીને ઠામ થાજો, બોલ્યાં માવતર;

કલર પણ છોડજો, બોલ્યાં માવતર,

ફર્યાં છો સાત ફેરા તો નિભાવજો, બોલ્યાં માવતર;

સાથ દેજો કાયમ એકબીજાનો, બોલ્યાં માવતર,

રથ છે આ બે પૈડાનો એકથી નહીં ચાલે !

ગતિ સમાન રાખજો, બોલ્યાં માવતર,

તડકી છાંડી આવશે ઘણીએ જીવનમાં,

સાથ કદી ન છોડજો, બોલ્યાં માવતર,

જીવી અમે ઘણાય લીધા અનુભવ;

મધમીઠો લાગ્યો સાથ એકબીજાનો ! બોલ્યાં માવતર,

સહેલું નથી કાંઈ આમ ભવસાગર તરી જાવું;

વહાલુ લાગશે જીવથીયે આગમન કોઈનું,

જ્યારે તમે બનશો માવતર,

નાનકડાથી કલશોરથી ગુંજી ઊઠશે આખુંય આંગણું;

જીવવા જેવું લાગશે જીવન ત્યારે તમો બનશો માવતર,

એક વાત આટલી અમારી, રાખજો યાદ;

દુભાવતાં ન કદી લાગણી બનીને માવતર.