મારી યાદો
મારી યાદો
સવારથી લઈને સાંજની નિંદર સુધી,
ક્યારેક નાના ઝોકામાં પણ એ બેશરમ આવી જાય છે,
શાંત ચિત્તે પરોવાયેલા મારા મનમાં,
હલચલ મચાવી હજારો ખયાલો સ્મૃતિના ભરી જાય છે,
ક્યારેક વરસાદમાં તો ક્યારેક તડકામાં,
શિયાળાની સવારની એ ઓસની ઝાંખી કરાવી જાય છે,
આમ તો રોજ તું સતાવે છે મને એકાંતમાં,
ક્યારેક ભરી મહેફિલમાં આંખના ખૂણાઓ ભીંજાવી જાય છે,
ચા થી લઈને કોલ્ડ કોફીના એ મીઠા ઘૂંટમાં,
ક્યારેક મને સતાવવા હજારો કડવી વાણી ઠાલવી જાય છે,
પણ જ્યારે જ્યારે તું આવે છે મનમાં,
સાચું કહું છું દિલને મારા ફરી ધડકતા શીખવી જાય છે.