નજરૂના બાણ

નજરની સામે જ ભટકતી હોય,

એવા ભણકારા વાગે છે,

રૂમઝૂમ રૂમઝૂમ ચાલથી,

તારી પાયલના રણકારા લાગે છે,

તારી નજરૂના બાણથી,

આ દલડાં હરી લીધાં છે.

ક્યાંથી આવી ? કેવી રીતે આવી'તી ?

એ જાણવા મથી રહ્યો છું હું,

પરભવનાં લેણદેણ હશે બાકી,

કે આજ મળી ગઈ મને તું,

તારી નજરૂના બાણથી,

આ દલડાં હરી લીધાં છે.

ક્યારે આવી ? ક્યારે ચાલી ગઈ ?

મારા જીવનમાંથી તું

ખબર પડતાં પે'લા તો,

એકલો પડી ગયો તારી વિના હું,

તારી નજરૂના બાણથી,

આ દલડાં હરી લીધાં છે.

સપના રાખ્યા'તા મેં ઊંચા,

કે પ્રેમથી ભીંજાઈ દઈશ તને,

સમય તો તે ના આપ્યો મને,

સપના સાકાર કરવા મને,

તારી નજરૂના બાણથી,

આ દલડાં હરી લીધાં છે.

અરજી ફોર્મમા પેનથી સહી કરી,

ને પહેલી મુલાકાતે આંખ મળી ગઈ,

પછી તો વારંવાર મુલાકાતથી,

મળેલા જીવ 'મિલન'ને એકલો મૂકી ચાલી ગઈ,

તારી નજરૂના બાણથી,

આ દલડાં હરી લીધાં છે.