ગમશે મને...

મારા થકી તને દુખી કર્યા કરું એ કરતાં,

પાનખરનું સૂકું પાન બની ખરવું ગમશે મને.

તારી આંખોના દરિયાનું કારણ બનું એ કરતાં,

કીચડમાં ભળી કીડાઓનું સ્વર્ગ બનવું ગમશે મને.

તારા વિરહ અગ્નિનું એક કારણ બનું એ કરતાં,

તાપણામાં મળી ભડભડ સળગી ધૂળ થવું ગમશે મને.

તારા માટે અભિશાપનું કારક બન્યો એ કરતાં,

નર્કમાં રહી પળ પળ મોતથી બદતર જીવવું ગમશે મને.

સમય સાથે મળી નિત નવી રમતો રમું એ કરતાં,

અસ્તિત્વને ક્ષીણ કરી બદનામીના ગર્તમાં રહેવું ગમશે મને.