Become a PUBLISHED AUTHOR at just 1999/- INR!! Limited Period Offer
Become a PUBLISHED AUTHOR at just 1999/- INR!! Limited Period Offer

Rahulkumar Chaudhary

Romance

4  

Rahulkumar Chaudhary

Romance

અધૂરો પ્રેમ

અધૂરો પ્રેમ

1 min
386


પ્રણય નામક એ બીમારી મને માફક નહીં આવે;

બધાં સામે ગુનેગારી મને માફક નહીં આવે.


પડી ગઈ છે મને તો ટેવ પથ્થર પૂજવાની કે-

હવે ઈશ્વર નિરાકારી મને માફક નહીં આવે.


હું કાયમ જોઉં છું એ રીતથી જોવા મળે તો ઠીક;

તમારી બંધ આ બારી મને માફક નહીં આવે.


નહીં આવું હવે જ્યારે તમે બોલાવશો ત્યારે;

તમારી પ્રીત વ્યવહારી મને માફક નહીં આવે.


કરે છે હાસ્ય મુજ સામે ને ગુસ્સો પીઠની પાછળ;

સ્વજન તારી કલાકારી મને માફક નહીં આવે.


કહો તો હું આ ઝંઝીરો પહેરી લઉં હવે હાથે;

કે ઝૂલ્ફોની ગિરફ્તારી મને માફક નહીં આવે !!


એ આવી જાય જો ‘પ્રત્યક્ષ’ તો એને મળી લઉં હું;

કે મારી મોત પરબારી મને માફક નહીં આવે.


Rate this content
Log in