મારી ભૂલ નથી જ

મેં એને અવર્ણનીય પ્રેમ કર્યો,

એની સાથે જ પ્રેમલગ્ન કર્યા,

મારું આયુષ્ય એના નામ કર્યું,

એને મનગમતું બધુ જ કર્યું,

એ મારી ભૂલ નથી જ !

એનું નામ મારા નામ પાછળ લગાવ્યું,

એનું સ્થાન મારા હૈયામાં આગળ રાખ્યું,

એ નારાજ ના થાય એટલે,

એ જેમ કહે એમ બધુ જ કર્યું,

એ મારી ભૂલ નથી જ !

મારા મનમાં ચાલતાં વિચારોને,

હું દૂર ધકેલતી ગઈ,

એને તકલીફ ના થાય એટલે,

હું હંમેશા ચૂપ રહેતાં શીખી ગઈ,

એ મારી ભૂલ નથી જ !

એ સદા ખુશ રહે એટલે,

હું હંમેશા વ્રત ઉપવાસ કરતી રહી,

એને ખુશ જોઈને,

હું ખુશ થતી રહી,

એ મારી ભૂલ નથી જ !

તો એ એણે કદી,

અવર્ણનીય પ્રેમ મને ના કર્યોં,

ના મને સમજી,ના મારા લાગણીને,

શું આ એની ભૂલ નથી ?