મારા પ્રીતમની પ્રીત

એ કહે છે કે તું હંમેશા હસતી ઉઠજે રોજ સવાર,

તને આમ હસતા જોઈ નેજ પડે છે મારી સુંદર સવાર,

અને રાતે સુતા પેહલા પણ એ નીરખે છે,

મારુ એજ હાસ્ય જેના કારણે એ પ્રેમમાં પડ્યો છે, 

મારી આ રોજરોજની કલબલાટ એને લાગે છે મીઠી,

કહે છે તું આમ જ બોલતી રહે તો આંખોને લાગે મીઠી. 

હું પણ જાણું છું કે એ કેવીરીતે કરે છે પસાર દિવસ,

સુરજ ઉગવાથી લઈ આથમતા સુધી,

મારા વિચારોમાંજ કરે છે પસાર દિવસ.

કરે છે મને હંમેશા નાની નાની વાતોમાં પરેશાન ,

અને મોટી મુસીબતમાં મને જોઈ,

પરેશાન એ પણ થાય છે પરેશાન. 

કહે છે નથી આવડતી મને બતાવતા લાગણીઓ,

અને મારી માટે કવિતા લખીને કહે છે,

મારા પ્રતિની એની લાગણીઓ.