મારા પ્રેમની વફાદારી

તુ આદત માને કે લત માને,

એ તો મારી ગજબની ખુમારી છે,

રોજ સવારે તારો ચહેરો જોવો,

એ જ મારા પ્રેમની બિમારી છે.

વાયદો કરીને મળવા ન આવે,

એ તો તારી ફક્ત નાદાની છે,

તારા વાયદા મુજબ વાટ જોવી,

એ જ મારા પ્રેમની દીવાનગી છે.

તુ મળવા આવીને કંઈ ન બોલે,

એ તો તારી ફક્ત નાદાની છે,

તારા મધુર શબ્દોની ગઝલ લખવી,

એ જ મારા પ્રેમની સરવાણી છે.

હું તને દિલથી ચાહું, તૂ દૂર રહે,

એ જરૂર તારી કોઈ મજબૂરી છે,

"મુરલી" તને મારા દિલમાં વસાવવી,

એ જ મારા પ્રેમની વફાદારી છે.

 રચના-ધનજીભાઈગઢીયા"મુરલી "(જુનાગઢ)